title icon

Мэндчилгээ

Захирлын мэндчилгээ

Та Монгол улсын анхны хувийн дээд сургуулийн цахим хуудсанд зочилж байна. Манай сургууль 1990 онд байгуулагдаж, анх 5 багш, 40 гаруй оюутантай эхэлж байсан бол өнөөдөр Сэрүүлэг их сургууль болтлоо хөгжин дэвшжээ. Байгуулагдсан цагаасаа эхлэн олон улсын стандартад нийцсэн шилдэг сургалт хөтөлбөрүүдийг нэвтрүүлэн ажиллаж байна. Үүний нэг жишээ нь 2014 онд АНУ-ын Дээд Боловсролын Чанарын баталгааг хэрэгжүүлэгч байгууллага болох ACBSP /Олон Улсын Бизнесийн сургууль, Хөтөлбөрүүдийн Магадлан Итгэмжлэх Зөвлөл/-ийн бүх шалгуур үзүүлэлтийг амжилттай давсан.Ингээд Монголын дээд боловсролын салбарт олон улсын байгууллагаар сургалтын чанараа баталгаажуулсан есөн сургуулийн нэг болсон юм .Төгсөгч оюутнуудын маань дипломын үнэ цэнэ олон улсын түвшинд үнэлэгдэж байна. Тиймээс бидний зорилго дэлхийн хөдөлмөрийн зах зээлд ажиллаж,дараагийн шатанд суралцах хүсэл эрмэлзэлтэй чадварлаг боловсон хүчинг бэлтгэхэд оршино.Түүнчлэн Сэрүүлэг их сургууль нь дэлхийд нэр хүндтэй олон сургуулиудтай хамтран ажилладаг.Тухайлбал БНСУ-ын Sunsu, Hosei, Jonju, Kyung Hee, Kwandong их сургууль, Токиогийн их сургууль, Канадын Монтреалийн их сургууль, БНАСАУ-ын Ким Ир Сений их сургууль, БНХАУ-ын He-Тao, Бортохой их сургуулиудтай байнгын харилцаатай ажиллаж байна. Түүнчлэн жил бүр шилдэг оюутнуудыг шалгаруулж, сургуулийг үндэслэгч “Б. Жаргалын нэрэмжит ” сургалтын төлбөрийн 100%, 50%-ийн тэтгэлэг олгодог. Мэдлэг боловсрол авъяас чадвараараа бусдыг хошуучилж яваа Сэрүүлэг их сургуулийн 3000 гаруй төгсөгчдөөрөө бид бахархаж байна. Олон улсад хүлээн зөвшөөрөгдсөн боловсролтой , эзэмшсэн мэргэжлээрээ амжилт олох зорилготой, нийгэмд эзлэх байр суурьтай, шилдэг боловсон хүчин болохыг хүссэн хүн бүрийн өмнө манай сургуулийн үүд хаалга үргэлж нээлттэй. Бидэнд итгээд , хамтдаа урагшилцгаая.